Friluftsliv i Haukeland

Her har eg samla nokre turtips i nærområdet til Haukeland. I same slengen kjem eg med litt gjenbruks- og motetips. Turklede-mote.

(Når du lurer på kva anna du kan gjere på, kan du lese: “Hva kan man gjøre på i Haukeland?“)

Turklede

Eg startar med kleda, sidan det er naturleg å kle på seg før ein går.

Eitt av problema med å hamne på sjukehus litt overraskande, er at du ikkje klarer å tenke eller pakke rasjonelt. Du har dårleg tid, panikk, angst, panikkangst, og du veit ikkje kor lenge du skal vere vekke. Turklede er liksom det siste du tenker på! Det er heller ikkje så lett å tenke på kva du treng om to månader.

Då har du plutselig med deg klede som passar til ambulansetur i akkurat det veret det er den dagen du reiser.

Då må du vere løysingsorientert, og ta det du har tilgjengeleg.

Vottar

Vottar hadde eg sjølvsagt ikkje pakka. Det løyste eg lett med å putte kompressar nedi gummihanskar. Det treng ikkje vere vanskelegare. Vanntette, litt varme vottar.

Lue

Eg er lue-person, sommar og vinter. Då er det lett å skjøne kor fortvilande det er for meg at eg ikkje pakka lue. No treng eg ikkje vere lei meg lenger. Eg har laga ei fin og moteriktig lue av den bikinien eg brukte i eit anna innlegg. Det fungerer utmerkt!

Jakke og bukse

Du kan sjølvsagt gå tur i dei heilt vanlege kleda du hadde med. Problemet med det er berre at du helst vil unngå å få svettelukt på dei, sidan vaskemoglegheitene er litt begrensa. Derfor er det beste å ha eigne klede til “trening”.

Det kan vere ei litt vrien utfordring å finne treningsklede, men du må berre satse på at nokon gløymer igjen kleda på rommet ditt på eit tidspunkt. Det har heldigvis skjedd med meg, og eg går tur i den drakta du ser på biletet.

Drikkeflaske

Det er lett å gløyme til og med når du IKKJE skal på sjukehus! Det gjer ingenting. Berre ta med nokre sprøyter med vatn eller saft i. Ps: Det er lurt å ha sonde.

Turane

Turane er ganske korte, og det er fleire grunnar til det.

Utgangspunktet var at eg måtte ha turalternativ når nokon sa “ta deg ein liten tur, eg kan sitte her i 15 minutt, null stress”. Då følte eg veldig på at den måtte vere liten, spesielt viss det var sjukepleiar-barnevakt. Du risikerer ikkje akkurat at sjuke barn døyr på naborommet, men dei får i alle fall ikkje medisin og trøst og sånn.

Så må turane passe for folk med muskelsvinn, fordi det kan lett oppstå når du sit i ein stol store delar av dagen, i mange, mange dagar. Musklane må ikkje ha forsvunne heilt, sjølvsagt, for det er vanskeleg å bruke kort tid når du må slepe deg sjølv bortover asfalten.

Dei siste dagane har eg kunna ta med ungen i vogn, for vi har klipt av alle slangane. Han var uansett begynt å bli for gammal til navlestreng. Neeeeiiiidaaaa, den er klipt for mange månader sidan! Lurte deg!

Tur 1: Berre rundt ho kvinna som held barnet opp i lufta

Denne turen passar for dei som absolutt ikkje likar å gå tur. Den tar kanskje 30 sekund å gå. Du kan legge inn stopp for å sjå på statue-dama, eller du kan sjå på den medan du går. Frå alle kantar, liksom.

Det er ingen moglegheiter for shopping på denne turen, så kortet kan ligge igjen på hotellrommet. Oioioi, der skreiv eg feil, gitt. Eg meinte sjukehusrommet.

Veldig kjedelig tur. Kanskje den beste for dei med total muskelsvinn.

Tur 2: Bort til Rema

Denne turen passar for dei som likar bråk, uferdige bygningar og døde folk på gravplassar. Nesten alle, altså.

(Apropos det, er det humor eller berre praktisk at verdens største gravplass ligg rett ved sida av verdens største sjukehus?)

Det er tusen heisekranar og maskiner, og veldig mykje bråk frå vegen, så du må bruke ropestemme viss du går saman med nokon og har lyst å snakke. Det har jo ikkje eg, så det er ikkje mitt problem.

Tur 3: Til Kiwi.

Denne turen passar for dei som likar litt roligare veg, kyrkjer og grusom lukt frå vaskeri. Eg veit at nokon likar det. Du kan ta med deg ein venn, for det er ikkje noko problem å snakke vanleg her.

Dersom du har problem med tissen eller livmora og er kvinne, så ligg kvinneklinikken på vegen. Det kan jo vere greitt å vite.

Tur 4: Til den styggaste plassen på jord

Danmarksplass.

Danmark er så fint, splass er så stygt.

Denne turen passar spesielt godt for dei som likar kjedelige turar. Det er ingenting å sjå på, anna enn eit veldig spesielt tre vi gikk forbi. Eg skulle ta bilde, men fikk ikkje fram det spesielle, og då tenkte eg det var betre å la vere. Kven ønskar seg eit bilde av eit heilt vanleg tre, liksom? Haha.

Turen er litt lenger enn dei andre, men eg glømte å ta tida. Det ville uansett blitt litt misvisande, sidan eg stoppar kvar gong eg tar ein slurk av kaffien. Eg tør ikkje å drikke medan eg går, for då kan eg brenne meg og/eller søle.

Til slutt vil eg nemne nokre ord som begynner på BAR, sånn som etternamna våre. Då kan vi sjå om det er ein mystisk samanheng ute og går (på tur, hahahahahahahahahah!)

• BARnekreft
• BARack Obama
• BARbie
• BARtender
• BARt Simpson
• BARyton
• BARutstyr
• BARista
• BARometer
• BARstol
• BARskap
• BARskog
• BARsel
• BARfot
• BARkrakk
• BARkebille
• BARlind
• BARcelona
• BARbermaskin
• BARmhjertighet.
• Det får holde. Eg føler det er ein del hint her om at eg burde begynne å drikke, men det kjem ikkje til å skje. Elles er det ganske frekt at barnekreft begynner med bar.

(Då eg laga denne lista las eg litt om barkebiller. Det var interessant! Dei har eit variert og interessant kjønnsliv.)

• 
• 
•